જામનગર શહેરમાં એક સપ્તાહમાં બીજી વખત પેટ્રોલ અને ડીઝલના ભાવમાં વધારો નોંધાતાં વાહનચાલકો પર ફરી બોજો વધ્યો
-
આજથી નવા ભાવ પ્રમાણે પેટ્રોલમાં ૮૭ પૈસાના વધારા સાથે ૯૮.૩૪ જ્યારે ડીઝલમાં ૯૩ પૈસાના વધારે સાથે નવો ભાવ ૯૪.૧૭ પૈસા થયો
દેશ દેવી ન્યુઝ જામનગર તા ૧૯ મે ૨૬, જામનગર શહેરમાં એક સપ્તાહની અંદર બીજી વખત પેટ્રોલ અને ડીઝલના ભાવમાં વધારો નોંધાતાં વાહનચાલકો પર ફરી એકવાર આર્થિક બોજો વધ્યો છે. આજથી નવા ભાવ અમલમાં આવ્યા છે.જામનગરમાં પેટ્રોલના ભાવમાં પ્રતિ લિટર ૦.૮૭ પૈસાનો વધારો કરવામાં આવ્યો છે. અગાઉ પેટ્રોલનો ભાવ રૂ. ૯૭.૪૭ હતો, જે વધીને હવે રૂ. ૯૮.૩૪ પ્રતિ લિટર થયો છે. જ્યારે ડીઝલના ભાવમાં પ્રતિ લિટર ૦.૯૩ પૈસાનો વધારો નોંધાયો છે. અગાઉ ડીઝલનો ભાવ રૂ. ૯૩.૨૪ હતો, જે હવે વધીને રૂ. ૯૪.૧૭ પ્રતિ લિટર થયો છે.
એક સપ્તાહની અંદર બીજી વખત થયેલા આ ભાવવધારાને કારણે સામાન્ય નાગરિકો, વાહનચાલકો તેમજ ટ્રાન્સપોર્ટ વ્યવસાય સાથે સંકળાયેલા લોકોમાં ચિંતા વ્યાપી છે. સતત વધી રહેલા ઇંધણના ભાવોની સીધી અસર દૈનિક જીવન તેમજ આવશ્યક ચીજવસ્તુઓના પરિવહન ખર્ચ પર પણ જોવા મળી શકે છે.આજથી જામનગર શહેરમાં નવા દરો અમલમાં આવ્યા છે, અને પેટ્રોલ પંપો પર વધેલા ભાવ મુજબ વેચાણ શરૂ કરવામાં આવ્યું છે.
