જામનગર જિલ્લાના ધ્રોલ પંથકમાં ઇંગ્લિશ દારૂની હેરાફેરી ના સંદર્ભમાં એલસીબી ની ટીમ અને ધ્રોલ પોલીસના બે મોટા દરોડા
-
LCB ની ટુકડીએ સોયલ ગામ પાસેથી ૩૮૪ નંગ દારૂ ભરેલી કાર સાથે બે શખ્સોને ઝડપી લીધા સાત લાખની માલમતા કબજે
-
ધ્રોલ પોલીસે ગાંધી ચોક માં દારૂ અંગે દરોડો પાડી ૩૨૪ ઈંગ્લીશ દારૂ ની બાટલી સાથે એક આરોપીને ઝડપી લીધો : સપ્લાયર નો નામ ખુલ્યું
દેશ દેવી ન્યુઝ જામનગર તા ૫, નવેમ્બરન સ્પ જામનગર જિલ્લાના ધ્રોલ પંથકમાં ઇંગ્લિશ દારૂની હેરાફેરી સંદર્ભે ગઈકાલે રાત્રે એલસીબી ની ટુકડી તથા ધ્રોલ પોલીસે અલગ અલગ બે સ્થળે દરોડા પાડ્યા હતા, અને ઇંગ્લીશ દારૂની બાટલીનો માતબર જથ્થો પકડી પાડયો છે, અને ત્રણ આરોપીઓની અટકાયત કરી લઇ રૂપિયા સાડા તેર લાખની માલમતા કબજે કરી છે, જયારે દારૂ ના સપ્લાયર ને ફરારી જાહેર કરાયા છે.ઇંગલિશ દારૂ અંગેનો સૌ પ્રથમ દરોડો એલસીબીની ટુકડીએ સોયલ ટોલનાકા પાસે પાડ્યો હતો. ત્યાંથી પસાર થઈ રહેલી એક કારને આંતરીને તેની તલાસી લેતા કારમાંથી ૩૮૪ નંગ ઇંગ્લિશ દારૂની બાટલીનો માતબર જથ્થો મળી આવ્યો હતો.
તેથી પોલીસે કાર અને દારૂ સહિત રૂપિયા ૬,૯૭,૦૦ ની માલમતા કબજે કરી છે, જ્યારે કારની અંદર બેઠેલા જામનગરના અશોક પ્રતાપભાઈ પરમાર તેમજ દીપક દેવજીભાઈ શિયાળ ની અટકાયત કરી લીધી છે. જે બંનેની પૂછપરછ દરમિયાન ઉપરોક્ત દારૂ જામનગર ના રણજીત સાગર રોડ પર રહેતા સદ્દામ ઉર્ફે મુન્ના બોદુભાઈ સાફિયા એ મંગાવ્યો હોવાથી તેને ફરારી જાહેર કરવામાં આવી છે.
ધ્રોલ પોલીસે રૂપિયા ૬.૬૬ લાખનો વિદેશી દારૂનો જથ્થો ઝડપી પાડ્યો : એકની ધરપકડ, અન્ય ફરાર
ધ્રોલ પોલીસે વિદેશી દારૂની હેરાફેરીના એક મોટા રેકેટનો પર્દાફાશ કરીને રૂપિયા ૬,૬૬,૪૦૦ ના મુદ્દામાલ સાથે એક આરોપીને ઝડપી પાડ્યો છે. લતીપર તરફથી ધ્રોલ આવતી એક સ્વીફ્ટ કારમાંથી ભારતીય બનાવટનો વિદેશી દારૂનો મોટો જથ્થો મળી આવ્યો હતો.
ધ્રોલ પોલીસે ગાંધીચોકમાં વોચ ગોઠવી હતી. દરમિયાન એક કાર ત્યાંથી પસાર થતાં તેને અટકાવીને તલાસી લીધી હતી, જે તલાસી દરમિયાન કારમાંથી ઇંગ્લિશ દારૂની ૩૨૪ નંગ બાટલીનો મોટો જથ્થો મળી આવ્યો હતો. જેથી પોલીસે કાર અને મોબાઈલ ફોન સહિત રૂપિયા ૬,૬૬.૦૦૦ ની માલમતા કબજે કરી હતી.જ્યારે કાર ની અંદર બેઠેલા જામનગરના સુનિલ જયસુખભાઈ મકવાણા ની અટકાયત કરી લીધી હતી. પોલીસ પૂછપરછ દરમિયાન આ દારૂનો જથ્થો જામનગરમાં રહેતા સદામ ઉર્ફે મુન્નો બોદુભાઈ સફિયાએ મંગાવ્યો હોવાથી તેને ફરારી જાહેર કરી શોધખોળ હાથ ધરી છે.
