લાલપુર ના મેઘપર વિસ્તારમાં રહેતી ૨૦ વર્ષીય યુવતી એકાએક લાપત્તા બની જતાં પરિવારજનો દ્વારા પોલીસમાં ગુમ નોંધ કરાવાઈ
દેશ દેવી ન્યુઝ જામનગર તા ૨૯, ઓક્ટોબર ૨૫ જામનગર જિલ્લાના લાલપુર તાલુકાના મેઘપર ના ગ્રામ્ય વિસ્તારમાં રહેતી પ્રીતિબેન ધર્મેશભાઈ બેરડીયા નામની ૨૦ વર્ષ ની અપરણીત યુવતી, કે જે ગત ૨૪મી તારીખે પોતાની પિતરાઈ બહેન સુસ્મિતાબેન સાથે હોસ્પિટલે જવાનું કહીને ઘેરથી નીકળી હતી, ત્યારબાદ તેણી એકાએક લાપતા બની ગઈ છે.
સમગ્ર પરિવારજનો દ્વારા પ્રીતિબેનની અનેક સગા સંબંધીઓને ત્યાં શોધખોળ કરવામાં આવી હતી, પરંતુ ક્યાંયથી તેણીનો કોઈ પતો લાગ્યો ન હતો. આખરે આ મામલો મેઘપર પોલીસ મથકમાં લઈ જવાયો હતો, અને પ્રીતિબેનના પિતા ધર્મેશભાઈ બચુભાઈ બેરડીયા દ્વારા પોતાની પુત્રી એકાએક ગુમ થઈ ગઈ હોવાની ગુમનોંધ કરાવી છે, જેને મેઘપર પોલીસ ની ટીમ શોધી રહી છે.
