ચૂંટણી ટાણે જામનગર પોલીસનું ‘ઝીરો ટોલરન્સ’: સંવેદનશીલ વિસ્તારોમાં ચુસ્ત બંદોબસ્ત
-
IG નિર્લિપ્ત રાયના માર્ગદર્શન હેઠળ SP ડૉ. રવિ મોહન સૈની ,Dysp ઝાલાની ટીમ ફિલ્ડમાં, LCB-SOG દ્વારા નાસતા ફરતા આરોપીઓની ધરપકડ તેજ
-
શહેર-જિલ્લાના તમામ પ્રવેશદ્વારો પર વાહન ચેકિંગ સઘન બનાવાયું.
-
ગુનેગારો પર તવાઈ: LCB, SOG અને પેરોલ ફર્લો સ્ક્વોડ દ્વારા નાસતા ફરતા અનેક આરોપીઓ ઝડપાયા.
-
દારૂ-જુગાર પર સપાટો: ચૂંટણીને ધ્યાને રાખી દારૂના ધંધાર્થીઓને ત્યાં સતત રેડ.
-
વધારાની કુમક: પેરામિલીટરી ફોર્સ અને હોમગાર્ડના જવાનો પણ બંદોબસ્તમાં જોડાયા
દેશ દેવી ન્યુઝ જામનગર, તા. ૨૪ એપ્રિલ ૨૬ જામનગર મહાનગરપાલિકા સહિત શહેર-જિલ્લાની સ્થાનિક સ્વરાજ્યની ચૂંટણીને અનુલક્ષીને જિલ્લા પોલીસ તંત્ર સંપૂર્ણ સુસજ્જ બન્યું છે. રાજકોટ રેન્જના આઈજીપી નિર્લિપ્ત રાયના સીધા માર્ગદર્શન હેઠળ જિલ્લા પોલીસ વડા ડૉ. રવિ મોહન સૈની, શહેર DYSP જે.એન. ઝાલા અને ગ્રામ્યના અધિકારીઓ સતત મોનિટરિંગ કરી રહ્યા છે.
શહેરના ત્રણેય ડિવિઝનના PI અને પોલીસ ચોકીના સ્ટાફ દ્વારા ચાંપતી નજર રાખવામાં આવી રહી છે. સંવેદનશીલ વિસ્તારોમાં વિશેષ ધ્યાન આપી સતત કોમ્બિંગ ઓપરેશન હાથ ધરાયા છે. અસામાજિક તત્વો પર કડક નજર રાખી અનિચ્છનીય ઘટના અટકાવવા પોલીસ કટિબદ્ધ છે.
પોલીસ તંત્રના આ ચુસ્ત પગલાંને કારણે મતદારોમાં ભયમુક્ત વાતાવરણ ઊભું થયું છે. લોકો નિર્ભય રીતે મતદાન પ્રક્રિયામાં જોડાય તેવો વિશ્વાસ વધ્યો છે. પોલીસનો સ્પષ્ટ સંદેશ છે કે ભયમુક્ત, શાંતિપૂર્ણ અને પારદર્શક મતદાન માટે સુરક્ષાનો મજબૂત પહેરો ગોઠવાઈ ચૂક્યો છે.
