જામનગર પોલીસ દ્વારા મોડી રાત્રી સુધી ચા-પાન ના ગલ્લે ગપ્પા મારતા શખ્સો અને ટ્રાફિક નિયમનનો ભંગ કરનારાઓ સામે કડક કાર્યવાહી
દેશ દેવી ન્યુઝ જામનગર તા ૨૮ મે ૨૫, જામનગર શહેરના તળાવ પાળ સહિતના વિસ્તારમાં ગઈ કાલે મોડી રાત્રે સિટી-એ ડિવિઝન પોલીસ વિભાગ ની ટિમ દ્વારા ખાસ ‘નાઇટ ટ્રાફિક ડ્રાઇવ‘ ચલાવી વાહન ચાલકો ના લાઇસન્સ, ફોર-વીલમાં ડાર્ક ફિલ્મ હટાવવા, બાઇક મા ત્રીપલ સવારી, ધૂમ સ્ટાઇલ થી બાઇક ચલાવી રોમિયોગીરી કરતા વાહનચાલકો, અને મોડી રાત્રિ સુધી ચા-પાન ના ગલ્લે બેસીને ગપ્પા મારતા શખ્સો સામે કડક હાથે કાર્યવાહી કરવામાં આવી હતી.
ઉપરાંત ટ્રાફિક નિયમોનો ભંગ કરનારાઓ સામે દંડનીય કાર્યવાહી હાથ ધરવામાં આવી હતી. જેમાં તળાવની પાળ સહિતના જુદા જુદા વિસ્તારોમાંથી પોલીસે અનેક વાહન ચાલકોને રોકીને તેઓ પાસેથી હાજર દંડ વસૂલ્યો હતો.આ કાર્યવાહી સિટી એ. ડિવિઝન પોલીસ સ્ટેશન ના પીઆઇ નિકુંજ ચાવડા ના માર્ગદર્શન હેઠળ સર્વેલન્સ ટીમ દ્વારા કરવામાં આવી હતી.
