જામનગર નજીક હાપા જીઆઇડીસી વિસ્તારમાં નવરાત્રીની પૂર્વ સંધ્યાએ એક શખ્સ દ્વારા ગાય માતા સાથે અધમ કૃત્ય કર્યા નો બનાવ સામે આવતાં ભારે ચકચાર
-
ગૌમાતા સાથે અણછાજતું વર્તન કરી વિકૃત આનંદ મેળવી રહેલા નરાધમ શખ્સનો પટાવાળા મહિલાએ વિડીયો બનાવી ગૌરક્ષકો ને જાણ કરી
-
ગૌરક્ષકો ની ટીમ દ્વારા નરાધમ શખ્સને પકડી લઈ પોલીસ પાસે સુપ્રીત કરી દેતાં પોલીસે ગુનો નોંધી અટકાયતમાં લઇ લીધો
દેશ દેવી ન્યૂઝ જામનગર તા ૨૨, સપ્ટેમ્બર ૨૫ જામનગર નજીક હાપા જીઆઇડીસી વિસ્તારમાં નવરાત્રીની પૂર્વ સંધ્યાએ એક શખ્સ દ્વારા ગૌમાતા સાથે અઘટિત કૃત્ય કરીને વિકૃત આનંદ મેળવતો હોય તેવો કિસ્સો પ્રકાશમાં આવતાં હાહાકાર મચી ગયો છે. અને ગૌ પ્રેમીઓ દ્વારા આરોપી સામે ફિટકારની લાગણી વરસી રહી છે. એક જાગૃત પટાવાળા મહિલાએ તેનો વિડીયો બનાવી લઈ ગૌરક્ષકો ને જાણ કરતાં ગૌરક્ષકોની ટીમે સ્થળ પર આવી જઈ, નરાધમ શખ્સને પકડીને પંચકોષી એ. ડિવિઝન પોલીસમાં સુપ્રત કર્યો હતો, જેની પોલીસ દ્વારા અટકાયત કરી લેવામાં આવી છે, અને તેની સામે ગુનો નોંધ્યો છે.
આ બનાવની વિગત એવી છે કે જામનગર નજીક હાપા ખારી વિસ્તારમાં રહેતો ચેતન ગોકુલભાઈ રાણેવાડીયા નામનો ચાલીસ વર્ષનો શખ્સ કે જે ગઈકાલે બપોરના સમયે હાપા જી.આઈ.ડી.સી. રંગમતી આવાસ વિસ્તારના પાછળના ખુલ્લા મેદાનમાં એક ગાય માતા સાથે અઘટિત કૃત્ય કરી રહ્યો હોવાનું અને વિકૃત આનંદ મેળવતો હોવાનું ધ્યાનમાં આવ્યું તે જ વિસ્તારમાં રહેતા અને સ્કૂલમાં પટાવાળા તરીકે નોકરી કરતા હર્ષાબેન સુધીરભાઈ ગોહિલ નું તેના પર ધ્યાન પડતાં તેઓએ તુરત જ પુરાવાના ભાગરૂપે આ ઘટનાનો પોતાના મોબાઈલ ફોનમાં વિડીયો બનાવી લીધો હતો, ત્યારબાદ તૂરત જ કેટલાક ગૌરક્ષકો ને જાણ કરી દેતાં ગૌરક્ષોની ટુકડી બનાવના સ્થળે દોડી આવી હતી, આરોપી ચેતન રાણેવાડિયા ને પકડી લીધો હતો, અને પંચકોષી એ. ડિવિઝન પોલીસ મથકમાં સુપર્ક કર્યો હતો.જ્યાં પી. આઇ. એન. એમ. શેખ અને તેઓની ટીમ દ્વારા આરોપીની અટકાયત કરી લઈ સમગ્ર બનાવમાં હર્ષાબેન ગોહિલ ની ફરિયાદ ના આધારે આરોપી સામે બીએનએસ કલમ ૨૯૯, તથા પશુઓ પ્રત્યે ક્રૂરતા પ્રતિબંધ અધિનિયમની કલમ ૧૧(૧) એ મુજબ ગુનો નોંધ્યો છે, જ્યારે મહિલા દ્વારા પોતાના મોબાઈલ ફોનમાં વીડિયો ક્લિપ બનાવી હતી, જે પુરાવાના ભાગરૂપે કબજે કરવા માટેની કાર્યવાહી હાથ ધરવામાં આવી રહી છે.
નવરાત્રી અને ભાદરવી અમાસ જેવા સપરમાં તહેવારોના દિવસમાં ગૌમાતા પ્રત્યેની આવી હરકતનો અપરાધ સામે આવતાં ગૌ પ્રેમીઓમાં આરોપી પ્રત્યે ફિટકારની લાગણી વરસી રહી છે.