જામનગરની કોર્ટમાં જુબાની આપવા માટે આવેલા મૂળ ઢીંચડાના એક યુવાનને ધમકી અપાઈ: ઢીંચડા ના એક શખ્સ સામે પોલીસ ફરિયાદ
દેશ દેવી ન્યુઝ જામનગર તા ૧૮ ફેબ્રુઆરી ૨૬, મૂળ જામનગર નજીક ઢીચડાના રહેવાસી અને હાલ ઉપલેટા તાલુકાના પડવલા ગામે રહેવા માટે ચાલ્યા ગયેલા હુસેન કાસમભાઇ ખફી નામના ૪૪ વર્ષના પશુપાલક યુવાને પોતાને જામનગરની અદાલત પાસે જાહેરમાં પતાવી દેવાની ધમકી આપ્યાની ફરિયાદ ઢીંચડા ગામના કાસમ મુસાભાઇ સામે નોંધાવાઈ છે.
પોલીસ ફરિયાદમાં જાહેર કરાયા અનુસાર ફરિયાદી અને આરોપી વચ્ચે અગાઉ તકરાર થઈ હોવાથી જે બંને વચ્ચે જૂનો કોર્ટ કેસ ચાલી રહ્યો છે, જેમાં આરોપી સામે ફરીયાદ કરી હતી, જે કેસમાં ફરીયાદી યુવાન જુબાની આપવા માટે આવ્યો હતો, જેમાં જુબાની નહીં આપવા માટે આરોપીએ ધાકધમકી આપી હોવાનું પોલીસ ફરિયાદમાં જાહેર થયું છે. સિટી એ. ડિવિઝન પોલીસ આ મામલે વધુ તપાસ ચલાવે છે.
