જામનગરની લાખો રૂપિયાના કોપર વાયરની ચોરીનો ભેદ ઉકેલાયો: ચાર આરોપીઓ ઝડપાયા
-
ચોરાયેલા કોપર કેબલ- વાહન- અને મોબાઈલ ફોન મળી કુલ રૂપિયા ૬ ૯૦ લાખનો મુદ્દામાલ કબજે કર્યો
-
આરોપી : રાધેભા માણેક, દનાભા સુમણીયા, બાબુભા માણેક અને લુણાભા સુમણીયા
-
નિર્મળસિંહ જાડેજા , હરદેવસિંહ ઝાલા ,જયદીપસિંહ જાડેજા ચેતન ઘાઘરેટીયાની સંયુક્ત બાતમી
દેશ દેવી ન્યૂઝ જામનગર તા.૨૯ઓક્ટોબર ૨૪, જામનગર શહેરમાં થયેલી લાખો રૂપિયાના કોપર કેબલની ચોરીના ગુનાનો ભેદ પોલીસે ઉકેલી નાખ્યો છે. પોલીસે આ ગુનામાં સંડોવાયેલા ચાર આરોપીઓને ઝડપી લીધા છે” અને તેઓની પાસેથી ચોરાયેલો કોપર કેબલ, વાહન અને મોબાઈલ ફોન મળી કુલ ૬.૯૦.૦૦૦ રૂપિયાનો મુદ્દામાલ કબજે કર્યો છે.
પોલીસ સૂત્રોના જણાવ્યા મુજબ, ગુજરાત રાજ્યના પોલીસ મહાનિરીક્ષક અને જામનગર જિલ્લા પોલીસ અધિક્ષક દ્વારા અનડિટેક્ટ ચોરીના ગુન્હાઓને ઝડપથી ઉકેલવા માટે પોલીસ કર્મચારીઓને સૂચના આપવામાં આવી હતી. આ સૂચનાના અનુસંધાને પંચકોષી એ. ડીવીઝન પોલીસ સ્ટેશનના સ્ટાફે ખાનગી બાતમીના આધારે ચોરીમાં સંડોવાયેલા ચાર આરોપીઓને ધુવાવ ગામથી સમરસ હોસ્ટેલ તરફ જતા રસ્તે પુલની બાજુમાંથી ચોરી કરેલ કેબલ, સ્વીફ્ટ કાર અને મોબાઇલ સાથે ઝડપી પાડ્યા હતા.
પકડાયેલા આરોપીઓમાં રાધેભા માણેક, દનાભા સુમણીયા, બાબુભા માણેક અને લુણાભા સુમણીયાનો સમાવેશ થાય છે. આ તમામ આરોપીઓ દેવભૂમિ દ્વારકા જિલ્લાના રહેવાસી છે. પોલીસે આરોપીઓ પાસેથી અંદાજે ૧,૭૫,૦૦૦ રૂપિયાનું કોપર કેબલ, ૫૦૦૦૦૦ રૂપિયાની કિંમતની સ્વીફ્ટ કાર અને ૧૫,૦૦૦ રૂપિયાના મોબાઇલ ફોન મળી કુલ ૬,૯૦ લાખ રૂપિયાનો મુદ્દામાલ કબજે કર્યો છે.
આ સમગ્ર કાર્યવાહીમાં પંચકોષી ‘એ’ ડીવીઝન પોલીસ સ્ટેશનના પોલીસ ઇન્સ્પેક્ટર એમ.એન.શેખ, પ્રો.પો.સબ ઇન્સ્પેક્ટર એ.આર.પરમાર, પ્રો.પો.સબ ઇન્સ્પેક્ટર એચ.વી.ગોહિલ, પો.હેડ.કોન્સ. નિર્મળસિંહ. બી.જાડેજા, પો.કોન્સ હરદેવસિંહ મગળસિંહ ઝાલા, જોડાયા હતા.
