ગુલાબનગર ઓવરબ્રિજ નીચે ઉતરતા વરરાજાની કાર-છકડાની ટક્કર
દેશ દેવી ન્યુઝ નેટવર્ક જામનગર : જામનગરના ગુલાબનગર ઓવરબ્રિજ નીચે ઉતરતા નંબર પ્લેટ વગરની એક કાર કે જે લગ્ન પ્રસંગમાં જઇ રહી હતી, જે સામેથી આવી રહેલા રિક્ષા છકડા સાથે ટકરાઇ ગઇ હતી.
જે અકસ્માતમાં બન્ને વાહનોને નુકસાન થયું હતું, તેમજ રીક્ષા છકડાનો ચાલક ઇજાગ્રસ્ત બન્યો હતો. જે બનાવની જાણ થતાં 108 ની ટુકડી તુરંત ઘટના સ્થળે પહોંચી ગઈ હતી, અને ઈજાગ્રસ્ત રિક્ષા છકડા ચાલક ને સારવાર માટે જામનગરની જી.જી. હોસ્પિટલમાં પહોંચાડ્યો હતો.
આ અકસ્માતના બનાવની જાણ થવાથી પોલીસ ટુકડી ઘટનાસ્થળે દોડી ગઈ હતી, અને અકસ્માતના બનાવ અંગે વધુ તપાસ હાથ ધરી છે. આ બનાવને લઇને ગુલાબ નગર રોડ પર લોકોનું ટોળું એકત્ર થયું હતું.
