જામનગરના હવાઈ ચોક વિસ્તારમાં રસ્તા પર પાકિસ્તાન સામેનો વિરોધ જોવા મળ્યો
-
પાકિસ્તાન નો ઝંડો દોરી પાકિસ્તાન મુર્દાબાદના નારા માર્ગ પર લખવામાં આવ્યા
દેશ દેવી ન્યૂઝ જામનગર તા ૩૦ એપ્રિલ ૨૫ જમ્મુ કાશ્મીરના પહેલગામમાં નિર્દોષ નાગરિકો પર આતંકી હુમલો કરાયો હતો, જે કાયર હુમલો કરાવનાર પાકિસ્તાન દેશ, કે જેની સામે સમગ્ર દુનિયાભરમાં વિરોધ થઈ રહ્યો છે, ત્યારે પાકિસ્તાન સામે નો વિરોધ જામનગર શહેરમાં પણ જોવા મળ્યો છે.
જામનગરના હવાઈ ચોક વિસ્તારમાં જાહેર માર્ગ પર પાકિસ્તાનનો ઝંડો દોરીને તેની સાથે પાકિસ્તાન મુર્દાબાદ નો નારો લખેલો હતો, અને જેના પરથી અનેક વાહનચાલકો અને રાહદારીઓ પસાર થઈ રહ્યા છે. આજ વિરોધ પ્રદર્શન ને જામનગરના અનેક નાગરિકોએ સમર્થન આપ્યું હતું, અને પાકિસ્તાન મુર્દાબાદ ના નારા પરથી પસાર થયા હતા.
